ხვალინდელ ბიუროს სხდომაზე კულტურული მემკვიდრეობის დამცავ ზონებში უნებართვო მშენებლობებზე არსებული ჯარიმების ოდენობების შესაძლო გაზრდაზე იმსჯელებენ.

ცვლილებები „სივრცის დაგეგმარების, არქიტექტურული და სამშენებლო საქმიანობის კოდექსში“ შედის. ცვლილებების მიხედვით, კულტურული მემკვიდრეობის დამცავ ზონაში უნებართვო მშენებლობა კერძო საკუთრებაში არსებულ უძრავ ქონებაზე ჯარიმა 8 000 ლარის ნაცვლად, 16 000 ლარი იქნება, მეორე კლასის მშენებლობისთვის ჯარიმა 24 000 ლარამდე იზრდება. მესამე და მეოთხე კლასის შენობა-ნაგებობის მშენებლობისათვის, კი ჯარიმა 20 000 ლარის ნაცვლად, 200 000 ლარი იქნება.