„ევროკავშირი პუტინის მოკავშირეებსა და პრორუსებს კანდიდატის სტატუსს არ აძლევს. ეს სპეკულაცია ყველამ უნდა დახუროს და საკუთარი ქვეყნის დაზიანებას მოეშვას“, - ამის შესახებ საპარლამენტო უმრავლესობის წევრმა, ფრაქცია „ქართული ოცნების“ თავმჯდომარის მოადგილემ, ბექა დავითულიანმა რადიკალური ოპოზიციის განცხადებებზე საუბრისას აღნიშნა.

„ხელისუფლებას აკრიტიკებენ და ამბობენ, რომ მისი დამსახურება არ არის. თუმცა, ვინც აკრიტიკებს, ისინიც და მათი შვილებიც ისარგებლებენ საბოლოო ჯამში ამ დიდი მიღწევით და მათაც ვულოცავ.

ევროკავშირი პუტინის მოკავშირეებსა და პრორუსებს კანდიდატის სტატუსს არ აძლევს. ეს სპეკულაცია ყველამ უნდა დახუროს და საკუთარი ქვეყნის დაზიანებას მოეშვან“, - განაცხადა დავითულიანმა.

ევროკომისიამ საქართველოსთვის კანდიდატის სტატუსის მინიჭების რეკომენდაცია გასცა.