კეთილსინდისიერებაზე დაფუძნებული პოლიტიკით ქვეყანა წინ მიდის, - ამის შესახებ ფინანსთა მინისტრის მოადგილემ, მიხეილ დუნდუამ „ქრონიკას“ განაცხადა.

„საქართველო წლიდან წლამდე აჩვენებს რეფორმებ. საქართველოში კორუფცია აღმოფხვრილია და კეთილსინდისიერებაზე დაფუძნებული პოლიტიკით ქვეყანა წინ მიდის“, - აღნიშნა მინისტრის მოადგილემ.

მსოფლიოს მოწინავე ანალიტიკურმა ცენტრმა, შვეიცარიულმა ორგანიზაციამ - Global Risk Profile (GRP) „გლობალური კორუფციის ინდექსი 2023“ გამოაქვეყნა.

რეიტინგში საქართველო 2 ადგილით დაწინაურდა, მსოფლიოს 196 ქვეყანასა და ტერიტორიას შორის საუკეთესო 25%-ში მოხვდა და მსოფლიოში 43-ე ადგილი დაიკავა. შავიზღვისპირეთში, კავკასიასა და ცენტრალურ აზიაში კი პირველი ადგილი მიიღო - სტატუსით „კორუფციის დაბალი დონე“. საქართველო აღნიშნულ რეგიონში ერთადერთი ქვეყანაა, რომელსაც „კორუფციის დაბალი დონის“ სტატუსი აქვს.

კორუფციისაგან თავისუფლებით საქართველომ გაუსწრო ევროკავშირის წევრობის კანდიდატ ყველა ქვეყანას, ევროკავშირის და ნატოს წევრ 8 სახელმწიფოს.

GCI-ის გამოსათვლელად განიხილება 6 ინდიკატორი, რომელთაგან 4 ორიენტირებულია კორუფციაზე, ხოლო 2 ფინანსურ დანაშაულზე.