თეთრი სახლის ლიდერმა ჯო ბაიდენმა განაცხადა, რომ ღაზას სექტორში ყველაზე დიდი სამედიცინო დაწესებულება ალ-შიფა დაცული უნდა იყოს.

ბაიდენმა თქვა, რომ შეერთებული შტატები კონტაქტზეა ისრაელთან და მან იმედი გამოთქვა, რომ ნაკლებად მოხდება შეხება ჰოსპიტალთან.

„საავადმყოფო დაცული უნდა იყოს“, - განუცხადა ბაიდენმა ჟურნალისტებს.

როგორც „ბიბისი“ იტყობინება, ბოლო დღეების განმავლობაში ალ-შიფასთან ბრძოლა ინტენსიურად გრძელდება, ხოლო ისრაელი „ჰამასის“ წინააღმდეგ ბრძოლას აგრძელებს.

„ბევრმა ქვეყანამ მოითხოვა ეგრეთ წოდებული ჰუმანიტარული პაუზები, რათა მშვიდობიანი მოსახლეობისთვის დახმარების გაწევა მოხდეს“, - წერს მედიასაშუალება.

გასულ კვირას შეერთებულმა შტატებმა განაცხადა, რომ ისრაელი დაიწყებს ყოველდღიურ ოთხსაათიან სამხედრო პაუზებს ღაზას ჩრდილოეთ ნაწილში.

13 ნოემბერს ისრაელის სამხედროებმა რუკა გამოაქვეყნეს, სადაც ე.წ. ჰუმანიტარული პაუზებისთვის ნაჩვენებია 8 ლოკაცია.