"ქრონიკის" პირდაპირ ეთერში განათლებისა და მეცნიერების მინისტრმა ალექსანდრე ჯეჯელავამ აღნიშნა, რომ მომავალ წელს, პედაგოგების ხელფასი დაახლოებით 200 ლარით გაიზრდება.

„ბოლო წლების განმავლობაში, მასწავლებლების ხელფასი მნიშვნელოვნად გაიზარდა. ახლა, ქვედა საფეხურზე ხელფასი 500 ლარს, ხოლო ზედა საფეხურზე 900 ლარამდე შეადგენს. მომავალ წელს, ქვედა საფეხურზე, დაახლოებით 200 ლარით გაიზრდება და მასწავლებლის მინიმალური ხელფასი 700 ლარი გახდება, ხოლო საშუალო ხელფასი 900 ლარს მიაღწევს.

თუმცა, არანაირი ხელფასი არ უშველის, თუ საზოგადოება, მედია და ბავშვები მასწავლებლის მიმართ პატივისცემას რა გამოხატავენ. ეს ისეთი საქმიანობაა, სადაც ფული კი არა, ღირსებაა გადამწყვეტი. ჩვენ ბავშვებს უნდა ვუთხრათ, რომ მეტი პატივი სცენ მასწავლებლებს და მათ დაუჯერონ. ჩვენ გვყავს არაჩვეულებრივი პედაგოგები, ისინი ყველა ბარიერს გადალახავენ, ჩვენ კი ხელი უნდა შევუწყოთ",- განაცხადა ჯეჯელავამ.