"დღევანდელ ოპოზიციაში, როგორც ქალბატონები, ისე მამაკაცებიც საკმაოდ არიან, რომლებიც ეწინააღმდეგებოდნენ საქართველოსთვის კანდიდატის სტატუსის მინიჭებას, ამის შესახებ უცხოელებმა მითხრეს, როგორც ევროპელებმა, ისე ამერიკელმა," - ამის შესახებ ბოდბელმა მიტროპოლიტმა, მეუფე იაკობმა „იმედი LIVE“-ში განაცხადა.

„ისინი ისეთ რამეებს ითხოვდნენ, რაც სამარცხვინოა. მაგალითად, უნდოდათ, როგორც ბელარუსში ლუკაშენკოს წინააღმდეგ გამოდიან, საქართველოს ხელისუფლების წინააღმდეგაც დაეწყოთ მსგავსი რაღაცები, თუმცა ვერც რევოლუცია მოაწყვეს და ვერც გადატრიალება. უცხოეთში რომ დადიხარ, შენს ქვეყანასა და ხალხზე ცუდი რაღაცები არ უნდა ილაპარაკო“, -აღნიშნა მეუფე იაკობმა.