ისრაელელი მძევლების გათავისუფლების მოთხოვნით, თელ ავივში დაწყებული მსვლელობა იერუსალიმში დასრულდა.

აქციის მონაწილეებს ღაზაში „ჰამასის“ მიერ დაკავებული 200-ზე მეტი მძევლის ფოტოები და ისრაელის დროშები ეჭირათ.

მოგვიანებით, მომიტინგეები ისრაელის პრემიერ-მინისტრის ბენიამინ ნეთანიაჰუს ოფისისკენ გაემართნენ.

„ეს ჩვენთვის კოშმარია. ჩვენ უნდა განვაგრძოთ რაღაცის კეთება, პროტესტი, რათა განვაგრძოთ ცხოვრება“, – აღნიშნა აქციის მონაწილემ, ერთ-ერთი მძევლის ოჯახის წევრმა.