„ეს კოლექტიური ნაცმოძრაობა კვლავ დაუბრუნდა იმ კონცეფციას, რასაც ჰქვია ომი, მეორე ფრონტის გახსნა“, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ, თემურ ალასანიას განცხადების კომენტირებისას განაცხადა.

„ძალისმიერი მეთოდით პრობლემის გადაჭრა არის დამღუპველი საქართველოსთვის და არამარტო საქართველოსთვის, იქნება სერიოზული წყალგამყოფი, რომელიც დაიდება საქართველოსა და დღეს დროებით ოკუპირებულ ტერიტორიებს შორის და ამ ტერიტორიებზე მყოფ ხალხს და საზოგადოებას და დანარჩენ საქართველოს საზოგადოებას შორის“, - აღნიშნა ვოლსკიმ.