„BBC"-ის ცნობით, სირიაში ამბოხებულების მიერ კონტროლირებად რაიონებზე განხორციელებული საჰაერო თავდასხმის შედეგად, სულ მცირე, 82 ადამიანი დაიღუპა.

ქალაქ იდლიბში ბაზრის დაბომბვას 37 ადამიანი ემსხვერპლა, 90-ზე მეტი კი დაშავდა. 45-ზე მეტი კი - ალეპოს პროვინციაზე მიტანილ საჰაერო იერიშის დროს დაიღუპა.

ავიადარტყმებამდე რამდენიმე საათით ადრე აშშ-ისა და რუსეთის საგარეო საქმეთა მინისტრებმა სირიაში ცეცხლის შეწყვეტის შეთანხმების მიღწევის შესახებ განაცხადეს. 10-დღიანი ზავი 12 სექტემბრიდან უნდა შევიდეს ძალაში, რის შემდეგაც, შეთანხმების თანახმად, რუსეთი და აშშ ჯიჰადისტებზე კოორდინირებული დარტყმების განხორციელებას დაიწყებენ.

თურქეთის ხელისუფლების თქმით, უპირველეს ყოვლისა საჭიროა სირიის მოსახლეობისთვის ჰუმანიტარული დახმარების მიწოდება.