რუსეთმა უკრაინის დედაქალაქ კიევზე უპილოტო საფრენი აპარატების გამოყენებით მასირებული შეტევა მიიტანა, არიან დაშავებულები, იწვის საბავშვო ბაღის შენობა. ამის შესახებ ინფორმაციას კიევის მერი ვიტალი კლიჩკო ავრცელებს.

„სოლომენსკის რაიონში დრონის ნამსხვრევების ჩამოვარდნის შედეგად გვყავს ორი დაშავებული, ექიმებმა მათ ადგილზე გაუწიეს სამედიცინო დახმარება. ხანძარია საბავშვო ბაღის ტერიტორიაზე.

დნეპრის რაიონში დრონის ნამსხვრევები მრავალსართულიან სახლს დაეცა, ადგილზე მიემართებიან მაშველები და ექიმები“, - წერს კლიჩკო Telegram-ზე.