საპარლამენტო უმრავლესობა 2024 წლის ბიუჯეტის პროექტს მხარს დაუჭერს. ამის შესახებ ფრაქცია „ქართული ოცნების“ თავმჯდომარემ და მმართველი პარტიის აღმასრულებელმა მდივანმა, მამუკა მდინარაძემ უმრავლესობის სხდომის დასრულების შემდეგ განაცხადა.

„მთავრობის მიერ წარმოდგენილ ბიუჯეტში არ არსებობს სფერო, სადაც გაზრდილი არ არის დაფინანსება. ბუნებრივია, იმ ბიუჯეტს, რომელიც შემოვა საბოლოო დადასტურებული სახით, ექნება საპარლამენტო უმრავლესობის მხარდაჭერა“, - აღნიშნა მამუკა მდინარაძემ.