ისრაელის თავდაცვითი ძალების სპიკერმა, დანიელ ჰაგარიმ განაცხადა, რომ „ცაჰალი“ მზად არის, განაახლოს საბრძოლო მოქმედებები ღაზის სექტორში, თუ „ჰამასთან“ ცეცხლის შეწყვეტის შესახებ შეთანხმება კიდევ ერთი დღით არ გახანგრძლივდება.

"ცაჰალი" [ისრაელის თავდაცვითი ძალები] მზად არის, განაახლოს ბრძოლა. ჩვენ მზად ვართ შეტევისთვის ნებისმიერ მომენტში, ამაღამაც", - აღნიშნა ისრაელის თავდაცვითი ძალების სპიკერმა.

მანამდე აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ აშშ სამხედრო დახმარებას გაუწევს ისრაელს, როდესაც ისრაელი ღაზაში ოპერაციის განახლებას გადაწყვეტს.