„საქართველოს ევროკავშირში ინტეგრაციას აქვს არა მხოლოდ საქართველოსთვის განსაკუთრებული დატვირთვა, არამედ რეგიონის ქვეყნებისთვის, როგორიცაა აზერბაიჯანი და სომხეთი”, – ამის შესახებ საქართველოს პარლამენტის ევროინტეგრაციის კომისიის თავმჯდომარემ, მაკა ბოჭორიშვილმა განაცხადა.

მისივე თქმით, ევროინტეგრაციის პროცესში ორ ქვეყანას შორის ურთიერთობა უნდა იყოს მტკიცე და ერთიანი, ერთიან სტრატეგიაზე დაფუძნებული.

„ამ ორი ქვეყნის თანამშრომლობა მნიშვნელოვანია იმ პროექტების განსახორციელებლად, რაც ასევე უკავშირდება საქართველოს ფიზიკურად დაკავშირებადობას ევროკავშირთან. ამ პროცესში, რა თქმა უნდა, ორ ქვეყანას შორის ურთიერთობა უნდა იყოს მტკიცე და ერთიანი, ერთიან სტრატეგიაზე დაფუძნებული.

მისასალმებელია, როდესაც მეზობელი ქვეყნის მხრიდან, რომელსაც ასეთი მნიშვნელობა აქვს ჩვენთვის, გვესმის მსგავსი გზავნილები. რაც შეეხება, ზოგადად საქართველოს პოზიციებს ევროკავშირთან ურთიერთობებში და მის გავლენას კავკასიის რეგიონზე, ეს არაერთხელ ყოფილა განხილვის საგანი. ჩვენ ამ თემაზე საუბარს ვაგრძელებთ ევროპელ პარტნიორებთან, გამომდინარე იქიდან, რომ საქართველოს ევროკავშირში ინტეგრაციას აქვს არა მხოლოდ საქართველოსთვის განსაკუთრებული დატვირთვა, არამედ რეგიონის ქვეყნებისთვის, როგორიცაა აზერბაიჯანი და სომხეთი“, – განაცხადა მაკა ბოჭორიშვილმა.

აზერბაიჯანის პრეზიდენტმა, ილჰამ ალიავმა ADA-ს უნივერსიტეტში გამოსვლისას განაცხადა, რომ აზერბაიჯანი და საქართველო ერთიანი, სტრატეგიულად მნიშვნელოვანი გუნდია ევროპაში.