„სასურველი იყო უფრო მეტი თანამოქალაქის ევროპის მოედანზე ყოფნა. რეალურად 500-მდე იყვნენ. ხალხის სიმცირე კი აიხსნება იმით, რომ აქციის ორგანიზატორები იყვნენ ნაცსექტის ის მავნებელი აქტორები, რომლებიც საკუთარ თავს უტიფრად უწოდებენ არასამთავრობო ორგანიზაციებს“ -ამის შესახებ ანალიტიკოსი გია აბაშიძე სოციალურ ქსელში წერს, რითაც რუსთაველზე გამართულ მარშს  ეხმიანება.

ანალიტიკოსის თქმით, კრებსითი დეზინფორმატორი ეკა გიგაურების, უზნეო ლომჯარიების, ულტრამემარცხენე სოროსის ფონდების, გამყალბებელი ISFED-ების და სხვა მდიდარი "ნაცენჯეობის" გავლენა ქართული საზოგადოების უდიდეს ნაწილზე არის ნულოვანი.

„ევროპულ ოჯახში ყოფნა ქართული საზოგადოების დიდი ნაწილის არჩევანია. შეგნებულად არ ვდებ ევროპის მოედანზე შეკრებილთა ზემოდან გადაღებულ ვიზუალურ მასალას. სასურველი იყო უფრო მეტი თანამოქალაქის ევროპის მოედანზე ყოფნა. რეალურად 500-მდე იყვნენ.

ხალხის სიმცირე კი აიხსნება იმით, რომ აქციის ორგანიზატორები იყვნენ ნაცსექტის ის მავნებელი აქტორები, რომლებიც საკუთარ თავს უტიფრად უწოდებენ არასამთავრობო ორგანიზაციებს. სუბიექტებმა, რომლებმაც არა თუ ყველაფერი გააკეთეს ევროინტეგრაციის შესაფერხებლად, არამედ მოითხოვენ კანონიერი ხელისუფლების დამხობას, უაზრო თვითდამანგრეველ ომში საქართველოს ჩართვას და წაბილწეს საქართველოს სამოქალაქო საზოგადოება. მათ რიგებს მიემატა ელექტორატის მიერ ლეგიტიმურად მოძულებული, კონსტიტუციის დამრღვევი, მარგინალი სალომე ზურაბიშვილიც, რომელსაც ტრაგიკომიკურად ჰგონია, რომ ევროინტეგრაციის მედროშეა საქართველოში.

კრებსითი დეზინფორმატორი ეკა გიგაურების, უზნეო ლომჯარიების, ულტრამემარცხენე სოროსის ფონდების, გამყალბებელი ISFED-ების და სხვა მდიდარი "ნაცენჯეობის" გავლენა ქართული საზოგადოების უდიდეს ნაწილზე არის ნულოვანი. ხვალ რომ უკიდურესად კეთილშობილური საქველმოქმედო აქცია/მარათონი დააანონსონ, იქაც არ იქნება მასობრივი სამოქალაქო ჩართულობა. დროა მიხვდნენ ამ სამარცხვინო პერსონაჟების საგარეო დონორები, რომ მათში კეთილშობილური მიზნებისთვის ჩადებულ რესურსებს საქართველოს საზოგადოებაზე impact ვერასდროს ექნება. და თუ კვლავ ასპონსორებენ დესტრუქციასა და ე.წ. "ფრანკლინობა-კანვასობას", იქაც მწარედ გაწბილდებიან.

ღირსებით ევროპისკენ!“ - წერს გია აბაშიძე.