უკრაინის პრეზიდენტი, ვოლოდიმირ ზელენსკი, რომელიც ვიზიტით ვაშინგტონში იმყოფება, აშშ-ის კონგრესში მივიდა. ინფორმაციას ამის შესახებ ფრანგული გამოცემა Le Monde-ი ავრცელებს.

ორშაბათს, ვაშინგტონში ეროვნული თავდაცვის უნივერსიტეტში სიტყვით გამოსვლისას ზელენსკიმ აღნიშნა, რომ როდესაც თავისუფალი სამყარო ყოყმანობს, სწორედ მაშინ ზეიმობენ დიქტატორები.

"მნიშვნელოვანია, რომ პოლიტიკა არც კი შეეცადოს, ჯარისკაცებს უღალატოს. ისევე, როგორც იარაღია საჭირო მათი თავდაცვისთვის, თავისუფლება ყოველთვის მოითხოვს ერთიანობას", - განაცხადა ვოლოდიმირ ზელენსკიმ.