პარტიამ „ქართული ოცნება - დემოკრატიული საქართველო" საარჩევნო პროგრამა წარმოადგინა, რომლის ერთ-ერთი პუნქტი NATO-ში გაწევრიანების დასაჩქარებლად გასატარებელ რეფორმებს ეხება.

ალიანსში ინტეგრაციის დაჩქარების მიზნით:

- არსებული პრაქტიკული ინსტრუმენტების გამოყენებით მოვემზადებით NATO-ს წევრობისთვის;

- გაგრძელდება NATO-საქართველოს „არსებითი პაკეტის" ეფექტიანი განხორციელება, რაც უზრუნველყოფს ქვეყნის თავდაცვისუნარიანობის განმტკიცებასა და NATO-სთან თავსებადობის ზრდას;

- გაგრძელდება NATO-საქართველოს კომისიის ფორმატში ალიანსთან აქტიური თანამშრომლობა;

- წარმატებით გაგრძელდება წლიური ეროვნული პროგრამების განხორციელება;

- საქართველო კვლავ იქნება ალიანსის მნიშვნელოვანი პარტნიორი საერთაშორისო უსაფრთხოების განმტკიცების საქმეში;

- 2017 წელს საქართველოში გაიმართება NATO-ს საპარლამენტო ასამბლეის სხდომა", - ნათქვამია „ქართული ოცნების" საარჩევნო პროგრამაში.