ჰუმანიტარული ტვირთი ღაზის სექტორში ისრაელიდან ქერემ შალომის გზით დღეს შევა. ინფორმაციას ისრაელის მთავრობა ავრცელებს. ეს გადაწყვეტილება გაზრდის ჰუმანიტარული დახმარების ყოველდღიურ რაოდენობას, რომელიც ღაზაში შედის.

აქამდე ჰუმანიტარული დახმარება ღაზაში რაფაჰის გამშვები პუნქტით შედიოდა, რომელიც ეგვიპტისა და ღაზის საზღვარზე მდებარეობს.

15 დეკემბერს ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისინი დათანხმდებოდნენ ჰუმანიტარული დახმარების ქერემ შალომის გზით შესვლას ღაზაში.