კასპში საახალწლო ღონისძიება 24 დეკემბერს გაიმართება.

24 დეკემბერს კასპში მთავრობის ადმინისტრაციის ორგანიზებით, კულტურის ცენტრის მიმდებარედ საახალწლო ღონისძიება გაიმართება.

ღონისძიება 14:00 საათზე დაიწყება.

ღონისძიებას გახსნის ორკესტრისა და კოსტიუმირებული გმირების მსვლელობა. დღის განმავლობაში მოედანზე მოეწყობა საშობაო ბაზრობა: ადგილობრივი ნაწარმის, ხელნაკეთი ნივთების გამოფენა-გაყიდვა. წარმოდგენილი იქნება კვების სივრცეები.

14:00 საათიდან ბავშვების განწყობაზე ანიმატორები იზრუნებენ.

საახალწლო ღონისძიებაზე ბავშვებს შესაძლებლობა ექნებათ შეხვდნენ თოვლის ბაბუას და ზღაპრის გმირებს.

საახალწლო ღონისძიებას „თეატრალური კვარტეტი“ და ჯგუფი "ქილეიჯი" დაასრულებს.

კონცერტი 18:00 საათზე დაიწყება.

კონცერტის დასრულების შემდეგ დაგეგმილია საზეიმო ფოიერვერკი.