გიორგი გამსახურდიამ გადაცემაში „იმედი LIVE“ პოლიტიკური წელი შეაჯამა. საქართველოს პირველი პრეზიდენტის შვილმა აღნიშნა, რომ მთავრობამ არ დაიშურა ძალისხმევა მთავარი მიზნის მისაღწევად - კანდიდატის სტატუსის მისაღებად.

„ოღონდ არა ღირსების ხარჯზე, არამედ ჩვენი პოზიციებითა და შეხედულებებით. რასაც მივაღწიეთ, ეს შეუიარაღებელი თვალითაც ჩანს და ამას ოპოზიციის ზოგიერთი წარმომადგენელიც ღიად ამბობს“, - აღნიშნა მან.

გამსახურდიამ კომენტარი „ნაცმოძრაობაში“ მიმდინარე მოვლენებზე და პარტიის წევრების გადაჯგუფებაზეც გააკეთა.

„წარმოიდგინეთ, მათი სტრატეგიული ფიგურა რომ არის ხაბეიშვილი. ჯერ თვითონ რა არის და ახლა მისი ანასხლეტი რა უნდა იყოს. ამიტომ, შესაკრებთა გადანაწილებით ჯამი არ იცვლება“, - განაცხადა გამსახურდიამ.