თბილისის სახელმწიფო უნივერსიტეტის სტუდენტური კლუბების „ილიას“, „დავითის" და „პოლიტიკური სკოლის" წევრები შეხვდნენ საქართველოს პარლამენტის ევროპასთან ინტეგრაციის კომიტეტის თავმჯდომარეს მაკა ბოჭორიშვილს, - ამის შესახებ ინფორმაციას „თსუ“ ავრცელებს.

მათივე ინფორმაციით, სტუდენტებთან შეხვედრაზე კომიტეტის ხელმძღვანელმა ისაუბრა საქართველოს მიერ ევროკავშირის წევრობის კანდიდატის სტატუსის მინიჭების მნიშვნელობაზე, სტატუსის მინიჭებისთვის სახელმწიფოს მიერ გადადგმულ ნაბიჯებზე, იმ პერსპექტივებსა და გამოწვევებზე, რომელიც ამჟამად დგას ქვეყნის წინაშე. სტუდენტებსა და ევროპასთან ინტეგრაციის კომიტეტის თავმჯდომარეს შორის გაიმართა საინტერესო ინტერაქციული დისკუსია.

თბილისის სახელმწიფო უნივერსიტეტის სტუდენტები ასევე დაესწრნენ საკომიტეტო სხდომას და მოისმინეს საგარეო საქმეთა სამინისტროს წლიური ანგარიში.