"ბოლო წლებში პროფესიულ განათლებაში ბევრი მნიშვნელოვანი და სწორი ნაბიჯი გადაიდგა ჩვენი ხელისუფლების პირობებში, მაგრამ ჯერ კიდევ რჩება დისტანცია პროფესიულ განათლებასა და შრომის ბაზარს შორის - იმ კვალიფიკაციებსა და უნარებს შორის, რაც შრომის ბაზარს უნდა - ამის შესახებ განათლების მინისტრმა, გიორგი ამილახვარმა გადაცემაში „იმედი LIVE“ განაცხადა.

„ამიტომ ჩვენ ავიღეთ საუკეთესო საერთაშორისო პრაქტიკა და პრაქტიკულად ახალი ხედვა შევთავაზეთ დარგს, რომ ამიერიდან უკვე სახელმწიფო ხდება პროფესიულ განათლებაში ინვესტორი და არა მხოლოდ მხარდამჭერი. ჩვენ რეალური საჯარო პარტნიორობით გვინდა ამ პროცესის წარმართვა“, -აღნიშნა ამილახვარმა.