დეა შაფათავა სოციალურ ქსელში საქართველოს ექს-პრემიერ ბიძინა ივანიშვილისა და ენერგეტიკის ყოფილი მინისტრის, „ქართული ოცნების" საარჩევნო შტაბის ხელმძღვანელის კახა კალაძის შესახებ წერს:

„იმას რატომ არავინ „აქცევს ყურადღებას", ერთადერთი პრემიერია მსოფლიოში, ხელფასი რომ არ აუღია (გავანებოთ თავი მილიარდერობას), რატომღაც ეს ფაქტი მიჩქმალულია. მერე რა, რომ მდიდარია. მე არ ვიცი არც ერთი ღარიბი პრემიერი მსოფლიოში და ხელფასზე უარი არავის განუცხადებია ჯერ. აქვე დავამატებ იმას, რომ კახა კალაძესაც არ აუღია ხელფასი, რომელიღაც საბავშვო ფონდში რიცხავს. პიარ-სამსახურებმა გაიღვიძონ ცოტა მაინც. მითითებას ელოდებიან?

საზოგადოებამ უნდა იცოდეს, რა და როგორ იყო და არის. მაინცდამაინც უნდა აიძულონ ადამიანი, თვითონ თქვას სათქმელი?! წაიკითხონ ახლა და გაიბღინძონ. სირცხვილია", - წერს დეა შაფათავა.