დარგობრივი ეკონომიკისა და ეკონომიკური პოლიტიკის კომიტეტის თავმჯდომარის დავით სონღულაშვილის განცხადებით, ანა ნაცვლიშვილი იყო ერთ-ერთი ოპოზიციონერი დეპუტატი, რომელმაც ტყუილში დამადანაშაულა, თითქოს, მაუწყებლის შესახებ კანონ-პროექტით ცდილობდნენ ცენზურის დაწესებას.

მისი თქმით, კიდევ ერთხელ დადასტურდა, რომ ოპოზიციის შეფასებები ტყუილია.

„ანა ნაცვლიშვილი იყო ერთ-ერთი ოპოზიციონერი დეპუტატი, რომელმაც ტყუილში დამადანაშაულა, თითქოს, ამ [ მაუწყებლის შესახებ კანონ-პროექტი] კანონ-პროექტით ვცდილობდით ცენზურის დაწესებას. კიდევ ერთხელ დასტურდება, რომ ეს ყველაფერი ტყუილია და თუ არ აღმოჩნდებოდა სიმართლე, პირობა დადო [ანა ნაცვლიშვილმა], რომ ბოდიშს მოიხდიდა, თუმცა, რამდენად გამოვა ეს ასე, მისთვის მიმინდვია“, - აღნიშნა დავით სონღულაშვილმა.