სახელოვნებო ცენტრის „ართ ჰოლის“ სპექტაკლის „მერე ვნახოთ, რა იქნება" პრემიერა თუმანიშვილის თეატრში შედგა. ამ სპექტაკლით გოგა პიპინაშვილის სახელოვნებო ცენტრის 20 წლის იუბილე აღინიშნა და მასში მონაწილეობა ამავე ცენტრის ბავშვებმა მიიღეს. თეატრმცოდნე ნიკოლოზ წულუკიძე „რეპორტიორს" შთაბეჭდილებებს უზიარებს:

„ძალიან რთულია ბავშვებთან მუშაობა. თუმცა, უფრო ადვილია სუფთა ფურცელზე წერა, ვიდრე დაწერილის წაშლა და ახლიდან დაწერა. აი, ეს ბავშვებიც რომ მოვლენ, თეატრალურ უნივერსიტეტში, არაფერი ზედმეტი არ ექნებათ. ისინი სწორ რელსებზე დგანან, იმიტომ, რომ მათ ისეთი დიდი ოსტატი ასწავლის მსახიობის ოსტატობას, როგორიც არის გოგა პიპინაშვილი. ვულოცავ ყველას, ვულოცავ მთელ ჯგუფს", - ამბობს ნიკოლოზ წულუკიძე.