"როგორც ჩანს, ყველაფერთან ერთად, გახარია ჩამორჩა მოვლენებს, რადგან ჩვენ ვაყენებდით საკითხს თვეებია, რომ სააკაშვილი გამოჯანმრთელებულია, ძალიან კარგად „მოჩიტდა“ უკვე და ახლა უკვე უნდა დაბრუნდეს ციხეში," - ამის შესახებ „ხალხის ძალის“ წევრმა გურამ მაჭარაშვილმა განაცხადა.

„კითხვაც კი დავუსვით იუსტიციის მინისტრს, როდესაც ის იყო პარლამენტში, რატომ არ გადაჰყავთ სააკაშვილი ციხეში და გახარია რომ იმეორებს ახლა, უკვე არჩევნების წინ, ეს მის მინუსებზე მიუთითებს და ვერ გადაფარავს გახარიას პოლიტიკურ ქორწინებას ნაცმოძრაობასთან“, - აღნიშნა მაჭარაშვილმა.