საგარეჯოს მუნიციპალიტეტის სოფელ მანავში მკვლელობა მოხდა.

თანასოფლელმა საკუთარ საცხოვრებელ სახლში მისულ თანასოფლელს ბლაგვი საგნისა და ცივი იარაღის გამოყენებით სასიკვდილო ჭრილობები მიაყენა. მასპინძელსა და სტუმარს შორის მკვლელობას წინ ურთიერთშელაპარაკება უძღოდა, თუმცა კონკრეტული მოტივი უცნობია.

31 წლის კაცი სასწრაფო დახმარების ბრიგადის მისვლამდე ადგილზე გარდაიცვალა. ადგილზე მიმდინარეობს საგამოძიებო მოქმედებები.