ისრაელში აცხადებენ, რომ სირიაში სამხედრო ობიექტებზე მიიტანეს ავიაიერიში, რაც 1-ელ იანვარს სირიის ტერიტორიიდან ჩრდილოეთ ისრაელზე განხორციელებულ სარაკეტო იერიშზე პასუხს წარმოადგენდა. ამის შესახებ BBC იტყობინება.

„ცაჰალის“ ინფორმაციით, დაზიანებულია სირიის შეიარაღებული ძალების სამხედრო ინფრასტრუქტურა, თუმცა სირიის ოფიციალური საინფორმაციო სააგენტო SANA ამ ცნობებს უარყოფს.

ისრაელის თავდაცვის ძალებში ასევე აცხადებენ, რომ განახორციელეს დარტყმები ლიბანში „ჰეზბოლას“ ინფრასტრუქტურაზე.