პოლონელი ფერმერები უკრაინასთან სასაზღვრო გადასასვლელის ბლოკირებას ხუთშაბათიდან განაახლებენ. ინფორმაციას ამის შესახებ სააგენტო Reuters-ი ავრცელებს.

პოლონელმა ფერმერებმა 24 დეკემბერს შეაჩერეს პროტესტი, რომელიც მიზნად ისახავს სახელმწიფო სუბსიდიების უზრუნველყოფასა და გადასახადების გაზრდის თავიდან აცილებას.

ფერმერთა პროტესტის ლიდერმა, რომან კონდროვმა განაცხადა, რომ მიუხედავად იმისა, რომ სოფლის მეურნეობის მინისტრმა მათ გადასცა ბარათი მოთხოვნების დაკმაყოფილების თაობაზე, პოლონეთის პრემიერ-მინისტრს არ გადაუცია ხელმოწერილი განცხადება.

"ჩვენ არ მიგვიღია წერილობითი დადასტურება, რომ ჩვენი მოთხოვნები დაკმაყოფილდება, ამიტომ ვაგრძელებთ პროტესტს", - განაცხადა მან და დასძინა, რომ სასაზღვრო გადასასვლელზე საათში მხოლოდ ერთ სატვირთო მანქანას დაუშვებენ.