დედაქალაქის მერი კახა კალაძე სოციალურ ქსელში სრულიად საქართველოს კათოლიკოს-პატრიარქს, ილია მეორეს იუბილეს ულოცავს.

„უდიდესი სიყვარულითა და პატივისცემით ვულოცავ ჩვენს სულიერ წინამძღვარს, საქართველოს კათოლიკოს-პატრიარქს, ილია II-ს დაბადების დღეს! მადლობა მას ქვეყნისთვის გაწეული ღვაწლისთვის!

ვუსურვებ ჯანმრთელობასა და დიდხანს სიცოცხლეს ჩვენი ერის საკეთილდღეოდ!“, - წერს კალაძე.

სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს 91 წელი შეუსრულდა.