„სამწუხაროდ, მამუკა ხაზარაძის მოტივაცია პოლიტიკაში არის მხოლოდ და მხოლოდ შურისძიება“, - ამის შესახებ საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.

„ის გახდა საკუთარი ამბიციების მსხვერპლი, განსხვავებით, ბიძინა ივანიშვილისგან, რომელიც მხოლოდ ქვეყნის ინტერესებს ემსახურება. ხაზარაძემ ჯერ თავისი განვლილი გზა უნდა შეაფასოს და შემდეგ შეედაროს ბიძინა ივანიშვილს“, - აღნიშნა ქადაგიშვილმა.

„ლელოს" ლიდერის, მამუკა ხაზარაძის თქმით, საპარლამენტო არჩევნების შემდეგ ბიძინა ივანიშვილი მოსკოვში იქნება. ამის შესახებ ხაზარაძემ ერთ-ერთ ტელევიზიასთან ინტერვიუში ისაუბრა.