„ასე დაგემართებათ ყველას, ვინც ქართული ჯარის ხარჯზე გამდიდრებულ ნაძირალასა და ოლიგარქ კეზერაშვილს ეთანამშრომლება“, - ასე ეხმიანება „ხალხის ძალის” წევრი ზურაბ ქადაგიძე „ფორმულაზე“ გასართობი გადაცემების დახურვასთან დაკავშირებით იუმორისტ მიშა ანდღულაძის ინტერვიუს, სადაც ანდღულაძე აღნიშნულის მიზეზად „სოლოლაკის ვერაღებას“ ასახელებს.

როგორც ზურაბ ქადაგიძე წერს, საერთაშორისო თაღლითთან საქმის დაჭერას ასეთი დასასრული აქვს.

„ასე დაგემართებათ ყველას, ვინც ქართული ჯარის ხარჯზე გამდიდრებულ ნაძირალასა და ოლიგარქ კეზერაშვილს ეთანამშრომლება.

გიყიდათ, საკუთარი მიზნებისთვის გამოგიყენათ და ბოლოს - მიგაგდოთ.

ამიტომ, ასეთ დასასრულზე თავიდან უნდა გეფიქრა, საერთაშორისო თაღლითთან საქმეს რომ იჭერდი…“ - წერს ზურაბ ქადაგიძე facebook-ზე.