„ვისი გადაღებული და გავრცელებულიც არ უნდა იყოს ეს ჩანაწერი, გეუბნებით,  -  პირობას გაძლევთ,   უმკაცრესად აგებთ პასუხს კანონის წინაშე."- განაცხადა საქართველოს პრემიერ- მინისტრმა გიორგი კვირიკაშვილმა ინტერნეტში გავრცელებული პირადი ცხოვრების ამსახველი ვიდეოს შესახებ საუბრისას.

პრემიერის თქმით, დამნაშავეების დასჯა იქნება სამაგალითო პასუხი, რომ მსგავსი  სიბინძურე თავში აღარავის მოუვიდეს! სამაგალითოდ დაისჯება ყველა, ვინც საკუთარი ამაზრზენი მოქმედებებით საზოგადოების განვითარებას აფერხებს.

„მე დავალება მივეცი შესაბამის უწყებებს - პროკურატურას, სახელმწიფო უსაფრთხოების სამსახურს, შინაგან საქმეთა სამინისტროს,  უსწრაფესად  გამოიძიონ ეს საქმე. ეს არის საგამოძიებო უწყებების გამოცდა, რომელიც მათ უნდა ჩააბარონ. ჩვენ მზად ვართ, გამოძიების პროცესში ჩავრთოთ ნებისმიერი ორგანიზაცია,  ჯგუფი, ვისაც ამ საქმეში დახმარების გაწევა შეუძლია.

სიტყვას გაძლევთ, ყველაფერს გავაკეთებ, რომ ჩვენი  ცხოვრებიდან ეს საშინელი ჩანაწერები ერთხელ და სამუდამოდ გაქრეს."- განაცხადა პრემიერმა.