სულ მცირე 12 ადამიანი დაიღუპა ისრაელის საჰაერო თავდასხმის შედეგად ღაზას ქალაქ შიფას ჰოსპიტალთან. ამის შესახებ პალესტინის მედია იტყობინება.

ამავე ინფორმაციით, გარდა დაღუპულებისა, არიან დაშავებულებიც. ამ ეტაპზე უცნობია მათი რიცხვი.

ნანგრევების ქვეშ მოყოლილი ადამიანების გადასარჩენად შესაბამისი სამუშაოები მიმდინარეობს.

რაც შეეხება, ისრაელის თავდაცვის ძალებს, მათ მომხდართან დაკავშირებით ამ ეტაპზე განცხადება არ გაუკეთებიათ.

ინფორმაციისთვის, 18 იანვარს თელ-ავივში გამართულ პრესკონფერენციაზე ისრაელის პრემიერ-მინისტრმა ბენიამინ ნეთანიაჰუმ თქვა, რომ ისრაელი კომპრომისზე არ წავა და „ჰამასს“ სრულად გაანადგურებს.