პორტუგალიელმა სპეციალისტმა, ჟოზე მოურინიომ, შესაძლოა, „ნაპოლიში“ ვალტერ მაძარი შეცვალოს, – იუწყება Sport Mediaset.

იტალიური გამოცემის ინფორმაციით, მოურინოს აგენტი „ნაპოლის“ პრეზიდენტს, აურელიო დე ლაურენტისს უკვე ესაუბრა და მხარეებს შორის მოლაპარაკება მიმდინარეობს. აღნიშნავენ, რომ „ნაპოლიში“ პორტუგალიელი სპეციალისტის დანიშვნას, შესაძლოა, ხელი მაღალი ხელფასის მოთხოვნამ შეუშალოს.

შეგახსენებთ, რომ მოურინიომ რამდენიმე დღის წინ „რომა“ დატოვა და კლუბი მის ნაცვლად დანიელე დე როსიმ ჩაიბარა.

იტალიის ჩემპიონატის მიმდინარე სეზონში „ნაპოლი“ მერვე პოზიციაზეა და მეცხრეადგილოსან „რომას“ ორი ქულით ასწრებს.