„ხალხის ძალის“ წევრი ზურაბ ქადაგიძე სოციალურ ქსელში ეხმიანება გავრცელებულ ინფორმაციას იმასთან დაკავშირებით, რომ თინა ხიდაშელი ტაივანიდან იღებს დაფინანსებას. ქადაგიძის თქმით, სწორედ ამიტომ ააგორა პროტესტი ოპოზიციამ „ხალხის ძალის“ მიერ ინიცირებულ გამჭვირვალობის შესახებ კანონზე, რომ არ გამჟღავნებულიყო მათი დაფინანსების წყაროები.

„ტაივანჩიკას” ქმარი ხარ ბიჭო?! ფაზლის დეტალებივით ეწყობა ყველაფერი თავის ადგილას… აი, რატომ გადაიხსნეს “ხალხის ძალის” ინიცირებულ კანონპროექტზე ვენები?! გამჭვირვალე გახდებოდა ვინ ტაივანიდან და ვინ ფხენიანიდან ფინანსდება… ამიტომაცაა, რომ ხიდაშელი განსაკუთრებული “ჩინოფობიით” გამოირჩევა. განა ჩინეთს ან მის პოლიტიკას სწუნობს, უბრალოდ ტაივანის სეპარატისტულ მხარესთან თანამშრომლობს… ისე, ტაივანიდან დაფინანსების მიღება იგივეა, რაც სოხუმის ან ცხინვალის სეპარატისტული რეჟიმებისგან ფულს იღებდეს ვინმე და საქართველოს ამუნათებდეს, ავტოკრატიააო… თუმცა, ამ ჯიბის პოლიტიკოსებს, ჩინეთიც ფეხზე ჰკიდიათ და საქართველოც. მთავარია ფული აიღონ და კიმ ჩენ ინთანაც ითანამშრომლებენ. “ვირთხების რბოლა” აქვთ გამართული - "რასაც ფულით ვერ იყიდი, უფრო ბევრი ფულით იყიდი" -ოს პრინციპით და გულწრფელად მინდოდა მეკითხა: სინდისი არ გაწუხებთ-მეთქი, მაგრამ რაც არ გაქვთ, რა შეგაწუხებთ?!“ - წერს ქადაგიძე.