რეშმა ქურეში 17 წლის იყო, როცა მისი დის ყოფილმა ქმარმა სახეში მჟავა შეასხა. ეს ამბავი ჩრდილოეთ ინდოეთში მოხდა. მას შემდეგ, რაც მას რამდენიმე ოპერაცია გაუკეთდა და კანის დაზიანებული ნაწილი გადაუნერგეს, რეშმამ გადაწყვიტა, რომ თავი მიეძღვნა საქმისთვის, რომელიც საშინელი ტრადიციის შესახებ ცნობიერების ამაღლებას ეხება. ამჟამად რეშმა 19 წლისაა.

ნიუ-იორკის მოდის კვირეულზე რეშმამაც მიიღო მონაწილეობა და პოდიუმზე მაყურებლის წინაშე წარსდგა.

„რატომ არ ვართ ცხოვრებით კმაყოფილები? რაც ჩვენს თავს მოხდა, ჩვენი ბრალი არ არის, ჩვენ არაფერი დაგვიშავებია, ჩვენ უნდა გავაგრძელოთ ბრძოლა სიცოცხლისთვის", - უთხრა რეშმამ „გარდიანს".