ჩელენჯ თასზე „შავი ლომის“ ყოფილი მეტოქეები, „კასტრი“ და „კლერმონი“ საფრანგეთის ჩემპიონატის პირველ დივიზიონში (TOP 14) ერთმანეთს დაუპირისპირდნენ.

მასპინძელი „კასტრის“ სასტარტო შემადგენლობაში იყო საქართველოს ნაკრების ყოფილი მორაგბე, ლევან ჩილაჩავა, რომელმაც 59-ე წუთზე ლელო დადო და „კასტრს“ თამაშის გადარჩენის შანსი გაუჩნდა. მასპინძლებმა თამაშის დასრულებამდე დაახლოებით 10 წუთით ადრე ანგარიშის გათანაბრებაც მოახერხეს (20:20), მაგრამ მატჩის მიწურულს „კლერმონმა“ ჯარიმის გატანა მოახერხა და საბოლოოდ დაძაბული შეხვედრა 23:20 მოიგო.

13 ტურის შემდეგ „კასტრი“ 31 ქულით მეშვიდე ადგილზეა, მას ერთი ქულით ჩამორჩება „კლერმონი“ და სატურნირო ცხრილში მეცხრე პოზიციას იკავებს.

ჩილაჩავასთვის ეს საფრანგეთის ჩემპიონატის მიმდინარე სეზონში პირველი ლელოა.