საქართველოს პრემიერ-მინისტრი ირაკლი ღარიბაშვილი დღეს ბრიფინგს გამართავს.

მთავრობის ადმინისტრაციის ინფორმაციით, ბრიფინგი 17:00 საათზე დაიწყება.

ბრიფინგის თემა ოფიციალურად დაანონსებული არ არის, თუმცა ის სავარაუდოდ, სამთავრობო ცვლილებებს შეეხება.

დღეს გავრცელდა ინფორმაცია, რომ ირაკლი კობახიძე პრემიერ-მინისტრის თანამდებობაზე იქნება წარდგენილი, ირაკლი ღარიბაშვილი კი პარტიის თავმჯდომარის თანამდებობას დაიკავებს.