უნგრეთის პრემიერ-მინისტრის პოლიტიკურმა დირექტორმა, ბალაჟ ორბანმა განაცხადა, რომ ბრიუსელი აშანტაჟებს ბუდაპეშტს, მიუხედავად შეთავაზებული კომპრომისისა, რომელიც ევროკავშირს საშუალებას მისცემს დააფინანსოს უკრაინისათვის 50 მილიარდი ევროს დახმარება.

"ბრიუსელი შანტაჟს იყენებს უნგრეთის წინააღმდეგ, მიუხედავად იმისა, რომ ჩვენ შევთავაზეთ კომპრომისი. ახლა ცხადია: ეს არის შანტაჟი და არანაირი კავშირი არ აქვს კანონის უზენაესობასთან. ახლა კი ამის დამალვას არც ცდილობენ! რაც არ უნდა მოხდეს, ბრიუსელში ცვლილებაა საჭირო!" - აღნიშნა ბალაჟ ორბანმა.