უკრაინის საგარეო საქმეთა მინისტრი, დმიტრო კულება მიიჩნევს, რომ მისი უნგრელი კოლეგა პიტერ სიიარტო და უნგრეთის პრემიერ-მინისტრი, ვიქტორ ორბანი არა პრორუსული, არამედ პროუნგრელი პოლიტიკოსები არიან.

"ისინი პროუნგრულად არიან განწყობილნი. პრორუსულად რომ ყოფილიყვნენ განწყობილნი, მაშინ პიტერ სიიარტო დღევანდელ შეხვედრაზე არ იტყოდა, რომ პატივს სცემს უკრაინის ტერიტორიულ მთლიანობასა და სუვერენიტეტს", - აღნიშნა უკრაინის საგარეო უწყების ხელმძღვანელმა.