თბილისის საქალაქო სასამართლომ კეკელიძის ქუჩაზე დაკავებული აკაკი ჩიქობავა და გიორგი ხასაია პატიმრობიდან გირაოს სანაცვლოდ გაათავისუფლა.

ბრალდებულებმა დანაშაული აღიარეს და მათ გირაოს სახით 3000-3000 ლარის გადახდა შეეფარდათ.

პროკურატურა სხდომაზე ბრალდებულების მიმართ 5000-ლარიანი გირაოს შეფარდებას ითხოვდა. მოსამართლემ ადვოკატის შუამდგომლობა ნაწილობრივ დააკმაყოფილა.

აკაკი ჩიქობავა და გიორგი ხასაია კეკელიძის ქუჩაზე, ოჯახის გამოსახლებისას აქციის დროს აღსრულების პოლიციის მანქანის დაზიანების გამო დააკავეს.