"სტატუსის მიხედვითაც, ბიძინა ივანიშვილი არის არამხოლოდ ჩემი, როგორც პარტიის ერთ-ერთი წარმომადგენლის, არამედ პარტიის მთავარი პოლიტიკური მრჩეველი," - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტის კითხვის პასუხად განაცხადა.

„მისი რჩევები თითოეული ჩვენგანისთვის არის ძალიან მნიშვნელოვანი. არაერთხელ მითქვამს და კიდევ ვიტყვი, რომ ის პოლიტიკაში ნამდვილი გროსმაისტერია, მას წინასწარ შეუძლია გათვალოს 10-15-20 სვლა. შესაბამისად, მისი რჩევები უკიდურესად მნიშვნელოვანია“, - აღნიშნა კობახიძემ.