"შეიძლება კანონმდებლობა გადაისინჯოს, თუ იქნება ეს პარლამენტის, იურიდიული კომიტეტის რეკომენდაცია, "- ასე უპასუხა პრემიერ-მინისტრმა ირაკლი კობახიძემ ჟურნალისტის მიერ ანტიკორუფციული ბიუროს შესახებ დასმულ კითხვას.

„კანონმდებლობაზე, რომელიც უკავშირდება ანტიკორუფციულ საკითხებს, პირველ რიგში პარლამენტი მსჯელობს, სამუშაო ფორმატი არის შექმნილი იურიდიულ კომიტეტში. დაველოდებით პარლამენტის პოზიციას და ვნახოთ, შეიძლება კანონმდებლობა გადაისინჯოს, თუ იქნება ეს პარლამენტის, იურიდიული კომიტეტის რეკომენდაცია“, - აღნიშნა კობახიძემ.