„ნიკა გვარამია, ლამის უკვე დამსახურებულ პენსიაზე გადის „ნაცმოძრაობიდან“. პარტიული ხანდაზმულობის ასაკში გაახსენდა, რომ, თურმე „ნაცმოძრაობა“ ისეთი ვეღარ არის, როგორიც მას მოსწონს და ქმნის ახალ ნაცმოძრაობას,“ - ამის შესახებ, „ხალხის ძალის“ წევრმა თამარ ჩიბურდანიძემ მედიასთან ისაუბრა.

მისი თქმით, გვარამია სადაც იქნება ხელმძღვანელი, პოლიტიკური ორგანიზაცია იქნება თუ ნებისმიერიო სხვა, იდეოლოგია ექნება იგივე, რაც აქამდე ჰქონდა:

„ნიკა გვარამია, ლამის უკვე დამსახურებულ პენსიაზე გადის „ნაცმოძრაობიდან“. პარტიული ხანდაზმულობის ასაკში გაახსენდა, რომ, თურმე „ნაცმოძრაობა“ ისეთი ვეღარ არის, როგორიც მას მოსწონს და ამიტომ ქმნის ახალ „ნაცმოძრაობას“. სხვათა შორის, ნიკა გვარამიას სწორად აქვს დაგეგმილი ყველაფერი მისი კუთხიდან, მაგრამ ჩვენ ვერ გვატყუებს. სწორი და ჭკვიანური დაგეგმარება ის არის, როდესაც მეტოქეს მოატყუებ, ანუ ოპონენტს აჯობებ და ის ვერ გამოიცნობს შენს პოლიტიკურ ხრიკს და დაგეგმარებას, მაგრამ ბუნებრივია, ყველა ყველაფერს ვხვდებით.

გვარამიამ შემოიკრიბა ირგვლივ, მათი და მათი ლობისტების მიერ დაფინანსებული „ენჯეოების“ სახეები, „ე.წ. ახალ სახეებად“. ამ ახალგაზრდებს, რომლებიც დღეს გვარამიას ირგვლივ არიან (ალბათ, შექმნიან პარტიას), ესირცხვილებათ „ნაცმოძრაობასთან“ აფილირება, ანუ მათთან გაიგივება.

„ნაცმოძრაობა“ ნეგატიური ბრენდია ქართულ პოლიტიკაში და ქართველი მოსახლეობისთვის. ამიტომ, მათ არ უნდათ ეს ნეგატიური ბრენდი მათი ტრენდი გახდეს. ეს ახალგაზრდები, რომ შემოიკრიბონ, გვარამია ქმნის მათთვის ცალკე პოლიტიკურ პარტიას - ახალი სახეები პოლიტიკაში. სინამდვილეში, სახელს არ აქვს მნიშვნელობა, რა ერქმევა იმ ახალგაზრდას, თუ ახალ პოლიტიკოსს. მთავარია, როგორი პოლიტიკით მოდის ის და როგორ იდეოლოგიას შემოიტანს. მთავარია, როგორი პოლიტიკით მოდის ის და როგორ იდეოლოგიას შემოიტანს, ცხადია იდენტურს. გვარამია სადაც იქნება ხელმძღვანელი, პოლიტიკური ორგანიზაცია იქნება თუ ნებისმიერიო სხვა, იდეოლოგია ექნება იგივე, რაც აქამდე ჰქონდა“, - განაცხადა ჩიბურდანიძემ.