გაეროს უშიშროების საბჭოს სანქციების კომიტეტის ირანის ექსპერტთა ჯგუფის ხელმძღვანელი სალომე ზურაბიშვილი სოციალურ ქსელში განცხადებას ავრცელებს:

„პირადი ცხოვრების კადრების გავრცელება ნამდვილად პირადი თავისუფლების შელახვაა და ამდენად მიუღებელი და ყველანაირად დასაგმობი, ამაზე ყველა ვთანხმდებით... ამას ბევრი განვრცობა და განმარტება არც სჭირდება... მაგრამ, უფრო დიდი უზნეობაა, როცა ისინი, ვინც ამ მუდმივ მოსმენის და თვალთვალის უღირს სისტემას გუშინ ნერგავდნენ, ქვეყანაში დღეს მორალსა და ამორალიზმზე  ქადაგებენ... ეს არის ცინიზმის, უტიფრობის და თავხედობის მწვერვალი... და როცა „რუსთავი 2" - ის მთლიანი კოლექტივი ფეხზე დამდგარი  წინ აღუდგება „ტერორს", როცა ჩერგოლეიშვილი შეშფოთებული სახით მორალზე საუბრობს და საზოგადოებრივ საფრთხეზე გვაფრთხლებს მეცინება, მეტირება და მეცოდება საზოგადოება, რომელსაც ამ გვარად დასცინიან!", - წერს სალომე ზურაბიშვილი სოციალურ ქსელში.