„საქართველოს ხელისუფლება წარმოდგენილია მიუნხენში უმაღლეს დონეზე, საქართველოს საგარეო საქმეთა მინისტრი იმყოფება ამ კონფერენციაზე. რაც შეეხება პრემიერს, ეს გახლდათ პოლიტიკური აქტი, რომ პრემიერის პირველი ვიზიტი შედგეს ბრიუსელში - ევროკავშირსა და NATO-ში”, - ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან განაცხადა.

„პრემიერ-მინისტრს ექნება უმაღლესი დონის შეხვედრები NATO-სა და ევროკავშირის ყველა ხელმძღვანელთან. ვფიქრობ, ეს მნიშვნელოვანი გზავნილია. მეც, როცა თავის დროზე ამირჩიეს პარლამენტის თავმჯდომარემ, ამ განზრახვით პირველი ვიზიტი მქონდა ბრიუსელში“, - აღნიშნა პაპუაშვილმა.

მან ასევე უპასუხა კითხვას, რომელიც ეხებოდა მიუნხენში სალომე ზურაბიშვილის ჩასვლას და ამას „კერძო მოგზაურობა“ უწოდა.

„ეს არის ქალბატონი სალომეს კერძო მოგზაურობა და კერძო მოგზაურობის შინაარსი ჩემთვის უინტერესოა“, - აღნიშნა პარლამენტის თავმჯდომარემ.