აგრარულ საკითხთა კომიტეტის თავმჯდომარე ნინო წილოსანი ფიქრობს, რომ პრეზიდენტი სალომე ზურაბიშვილი საარჩევნო კოდექსში შესატან ცვლილებებზე ვეტო-ს უფლებას იმის მიხედვით გამოიყენებს, თუ რა ინტერები ექნება ოპოზიციას.

„ვეტო-ს დადებისთვის მისი კრიტერიუმები პირდაპირპროპორციულია იმასთან, რა ინტერესს ატარებს ოპოზიცია და რა ხაზი სჭირდებათ რომ გაატარონ. ამ შემთხვევაში, საარჩევნო კოდექსში შესატანი ცვლილებები, რომელიც მათ შორის ევროკავშირის რეკომენდაციის ფარგლებში მიმდინარეობს, არის ერთ-ერთი სამიზნე, რომ იყოს დისკრედიტებული. ვეტო იქნება დაძლეული ისევე, როგორც სხვა შემთხვევებში, უბრალოდ ეს კიდევ ერთხელ ადასტურებს იმ საერთო ხაზს, რომელიც პრეზიდენტს და სამწუხაროდ, „ნაციონალურ მოძრაობას“ აერთიანებს“, - აღნიშნა წილოსანმა.

საქართველოს პრეზიდენტის ადმინისტრაციის განცხადებით, პრეზიდენტი სალომე ზურაბიშვილი ვეტოს დაადებს 20 თებერვალს პარლამენტის მიერ მესამე, საბოლოო მოსმენით საარჩევნო კოდექსში მიღებულ ცვლილებებს.