ევროკავშირმა რუსეთის წინააღმდეგ სანქციების მე-13 პაკეტი მიიღო, რომლის სამიზნე დამატებით 194 ფიზიკური და იურიდიული პირია.

სანქციები ასევე ეხება სასამართლოს წევრებს, ადგილობრივ პოლიტიკოსებსა და უკრაინელი ბავშვების უკანონო დეპორტაციაზე პასუხისმგებელ პირებს და მიზნად ისახავს რუსეთის წვდომის შეზღუდვას სამხედრო ტექნოლოგიებზე, როგორიცაა დრონები.

ევროკავშირმა თითქმის 2 000 ფიზიკურ და იურიდიულ პირს დაუწესა სანქციები მას შემდეგ, რაც რუსეთმა დაიწყო უკრაინაში სრულმასშტაბური შეჭრა თითქმის ორი წლის წინ.