„საქართველო არის შუა დერეფანი, ამ შუა დერეფანზე საუბრობს ჩინეთი და აშშ“, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა.

მისი თქმით, სტრატეგიულ პარტნიორებთან სამომავლო ურთიერთობებს ჩვენი ქვეყნისთვის განსაკუთრებული მნიშვნელობა აქვს.

„მოვა დრო, როდესაც თანამშრომლობას ექნება უპირატესობა და რასაკვირველია აქ საქართველო არის განსაკუთრებული მნიშვნელობის ქვეყანა, მაშინ, როდესაც დასავლეთის ბაზრები უნდა დაუკავშირდეს აღმოსავლეთს გაცილებით მეტი რესურსით, ვიდრე ჰქონდათ“, - აღნიშნა გიორგი ვოლსკიმ.

სტრატეგიული პარტნიორობის საკითხები და თანამშრომლობის განვითარების პერსპექტივები. პრემიერ-მინისტრი ჩინეთთან და ამერიკასთან კავშირების კიდევ უფრო განვითარებას გეგმავს.