"რა თქმა უნდა, არ გვაქვს მოლოდინი, რომ საბოტაჟი სახეცვლილი არ იქნება ჩვენთან მიმართებაში, რადიკალური ოპოზიციური ჯგუფების მხრიდან," - ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა „ქრონიკაში“ განაცხადა.

„რა თქმა უნდა, ის გაგრძელდება, თუმცა ჩვენ ყველაფერს ვაკეთებთ იმისთვის, რომ ეს რისკები მინიმუმამდე შევამციროთ. ჩვენ არ ვაძლევთ იმის შესაძლებლობას, რომ მოაწყონ პროვოკაციები და ეს შემდგომ გამოიყენონ შიდა პოლიტიკური მიზნებისთვის. ეს მათი გაცხადებული მიზანია - ნაცმოძრაობას შიგადაშიგ აქვს წამოცდენები, რომ წინარევოლუციური პროცესის სამზადისში არიან“, - აღნიშნა ოხანაშვილმა.